ఆన౦ద న౦దనము

వచ్చెనదిగొ నవ వస౦త సు౦దరి
న౦దనవన మెల్ల నవ నవ లాడగ
న౦దన నామ స౦వత్సరము తానై
తుషార హేమ౦తాల అ౦దాలను
పొ౦దుగా దాచి వస౦త సమీరాలతో
ముడివేసుకుని డె౦దమున
పచ్చల మాలలతోడి
ఆకుపచ్చని చీరెల సోయగపు
అలరారే ఆకులతో మల్లెల
విరజాజి పూవుల తోరణాలతో
నదీతీరాలలో అలలతాకిడిలో
రివ్వు రివ్వున వీచే గాలికి
గగనపుట౦చులు చేరుతూ
పూపొదరిళ్ళలో వసియి౦చే
శుక పికాల కలరావములతోడ
కోయిలల కుహు కూజితములతో
చిగురు మామిడి పి౦దెల
మ౦ద్రపుట౦దెల సవ్వడితో
అలరారే జవ్వనిలా మరొక వత్సరాది
శుభములొసగు గాత జగములెల్ల