మేఘ సుందరి

వచ్చెనదే వర్షసుందరి

తెచ్చెను స్వేచ్ఛాఝరి

మేఘ మాలిక వోలె

పురివిప్పిన నెమలి  

విరజిమ్మెను కాంతులను

కనువిందు జేయు విసిరి విసిరి,

బంగారపు రంగులను

సింగారించుకుని,

ఏ నీలి నెమలి కన్నె

వలచి వచ్చునోయని

ఆమె కన్న అతిశయముగా

చూప వలెనని తన సిరి

పరుగు పరుగున 

అడుగడుగునా 

ఆరవేయును అందాలను

మధుర మనోహరములైన

మోహన శిఖిపింఛములతో

కనువిందు జేయు కృష్ణనికై

ప్రేమ మీరగా మయూరి