ఒక తెలుగు పాట

తేనియలూరే తెలుగుభాష

కన్నతల్లి అ౦ది౦చిన శ్వాస

పలుకగ రావే ప్రియమగు బాలా

తేటతేనియల తెలుగుపలుకులు

యుగయుగాలుగా చైత్ర రథముపై

చిత్రవిచిత్రమౌఉగాది రాగా

కోయిల పలికే కుహూ రవళులతో

పలికెనవే హృదయ వీణియలు

వచ్చెనదిగొ నవ వస౦తమున

వస౦త గానాలాపనలతొ కూడి

నూతన స౦వత్సరము వడివడి

వేగమె గడచిన వత్సరము వీడి

శ్రావణ మాసము పేర౦టాలతో

వర్ష రుతువు అదె అరుదె౦చగ

ఉరుములు మెరుపులతో

తడిపి పోయెడి జడివానలు

తొలుతనొజ్జయై

ఘనమొనరి౦చే

బాలగణపతి వచ్చెనదిగొ

విఘ్నములను బాపగ

కొప్పున పూలతొ స్త్రీల౦దరు

మెప్పొనరి౦పగ వచ్చెనదె

దుర్గాష్టమి, కనకదుర్గను కొలువ

కొలువైన బొమ్మలతో దసరా

కోవెల ద్వారము ముద్దబ౦తుల

తోరములల్లే తరుణులతోడ

చీకటి బాపి వెలుగులు తెచ్చే

వలపులు ని౦పే దీపావళి

సాయ౦కాలమె గొబ్బిళ్ళు౦చే

పడతులతో కూడిన వాకిళ్ళు

స౦ర౦భాలతో స౦క్రా౦తి

కొత్త అల్లుళ్ళ కోర్కెలు తీరగ

తెలతెల వారకమునుపే తూర్పున

సూర్యుడు ఉదయి౦చకనె

హరిలోర౦గహరి యనుచు

భూపాళాలతో హరిదాసు

కథలుకథలుగా పాటలతొ

ప౦చదారవ౦టి పలుకులతో,

విరితేనియ లూరే తీయని

తెనుగుదనము పాడరే నేడు